O Museo de Arte Contemporánea MARCO de Vigo estreará este sábado, 20 de abril, un ciclo de conversas abertas ao público nas que artistas participantes nas exposicións comparten cos asistentes a súa experiencia e traxectoria, cun ton aberto e participativo. O Ciclo #MARCOconversas / #MARCOtalks foi presentado hoxe en rolda de prensa á que asistiu o alcalde de Vigo, Abel Caballero, xunto a Miguel Fernández-Cid, director do MARCO. O primeiro destes encontros entre artistas e público terá lugar este sábado coa participación de Mónica Alonso e Andrea Costas Lago, seguirán outros dous encontros a semana próxima. O xoves 25 estarán no MARCO Rosendo Cid e Manuel Vilariño e o venres 26 de abril será a ocasión do público para conversar con Din Matamoro e Teresa Moro. Ademais desta actividade, o MARCO aproveitou a vindeira celebración do DÃa do Libro, o 23 de abril, para presentar as súas máis recentes publicacións propias que teñen que ver cos artistas que participan nese ciclo de conversas. Asà foron presentados os catálogos das exposicións de Din Matamoro, Andrea Costas Lago, Teresa Moro, Rosendo Cid, Mónica Alonso, e o libro 'Eloxio do confÃn (Diario)', de Manuel Vilariño.
