Tres obras na diáspora para contar un artista

O escultor Francisco Asorey chegou a afirmar que na súa vida produciu máis de mil obras, e o seu legado atópase disperso en numerosas coleccións públicas e privadas. A súa sona a principios do século XX foi tan grande nas comunidades da diáspora que tres obras emblemáticas do autor, Naiciña, Santa e o altar do Panteón do Centro Galego atravesaron o Atlántico cara as comunidades da diáspora. Para conmemorar o Día das Artes Galegas, o Consello da Cultura Galega contou a historia destas tres pezas, depositadas hoxe en Rosario e Bos Aires (Arxentina) e e Montevideo (Uruguai) para coñecer tres aspectos da obra do artista e o seu contexto: os seus vínculos co galeguismo de principios do século XX, a súa conexión estética co románico e o interese das comunidades da diáspora por adquirir arte de artistas galegos de renome.