Adolfo Fernández (GEAAT-Uvigo) amosa os contidos dunha vitrina á conselleira de Medio Ambiente, Ánxeles Vázquez.
A illa de Ons está a ofrecer nos últimos anos importantes novidades arqueolóxicas a partir da intervención nas factorías de salgadura e elaboración de púrpura, así como no veciño castro do Castelo dos Mouros. Agora unha escolma dos materiais pode ser visto na nova sala de arqueoloxía do Centro de Interpretación de Ons. A infraestrutura recibiu un investimento de 100.000 euros para a adecuación aos novos contidos, que serán expostos de xeito "gratuíto e permanente". Os materiais foron seleccionados polo Grupo de Estudos de Arqueoloxía, Antigüidade e Territorio da Universidade de Vigo.
