Quiosco: Raigame número 47

O Centro de Cultura Popular Xaquín Lorenzo presentou o novo número de Raigame. Este número 47 que pecha unha triloxía dedicada ás novidades da arqueoloxía da provincia de Ourense nos últimos anos. Os artigos inclúen un traballo do arqueólogo municipal de Ourense, José María Eguileta, sobre o megalitismo da provincia, así como un traballo sobre as minas de estaño das Muradellas de baltar. David Pérez e Celso Barba explican os importantes celeiros localizados en Outeiro do Castro (baños de Molgas e Xunqueira de Ambía) e o grupo de Estudos Arqueoloxía, Antigüidade e Territorio da Universidade de Vigo dan conta do enigmático xacemento do Muro do Búbal (Monterrei-Oímbra). Tamén Martiño Vázquez e Manuel García explican as recentes intervencións en San Xoán de Camba.