Sete especialistas "con proxectos e puntos de vista diferentes e plenamente orixinais sobre o noso patrimonio cultural" fan parte do programa da segunda xeira do ClicKultural. O Parque Arqueolóxico da Arte Rupestre de Campo Lameiro (PAAR) acolle o 9 de marzo este encontro para abordar as posibilidades da divulgación do patrimonio na rede.
A xornada, que se desenvolverá ao longo de oito horas, conta no seu cartel con Eugenia Tenenbaum e Miguel Cajigal 'El Barroquista', dúas persoas formadas en historia da arte que desenvolven diferentes iniciativas de divulgación dixital da cultura e do patrimonio, que manterán un debate sobre esta cuestión.
Canda a eles, Mariña López, falará do proxecto As Sereas. As mulleres do mar da fundación FUNDAMAR e FUNPROMAR, as viguesas Leticia e Patricia Pérez, presentarán a axenda de turismo cultural Troulanda e David Gesteira, que falará sobre o seu podcast Descifrando a Historia.
O programa complétase coa presenza da antropóloga Lidia Mariño, que falará do seu proxecto Tralas pegadas da Vella, e de Manuel Rial, que explicará a súa experiencia a levar as redes sociais de diferentes proxectos patrimoniais da empresa Trivium.
A matrícula no encontro está aberta a un prezo de 15 euros.
Canda a eles, Mariña López, falará do proxecto As Sereas. As mulleres do mar da fundación FUNDAMAR e FUNPROMAR, as viguesas Leticia e Patricia Pérez, presentarán a axenda de turismo cultural Troulanda e David Gesteira, que falará sobre o seu podcast Descifrando a Historia.
O programa complétase coa presenza da antropóloga Lidia Mariño, que falará do seu proxecto Tralas pegadas da Vella, e de Manuel Rial, que explicará a súa experiencia a levar as redes sociais de diferentes proxectos patrimoniais da empresa Trivium.
A matrícula no encontro está aberta a un prezo de 15 euros.
