Pontevedra acolle o primeiro foro sobre o Itinerario Cultural Europeo Camiños de Arte Rupestre Prehistórica

Representantes de vinte rexións de Irlanda, Italia, Noruega, Francia, España e Portugal reúnense entre hoxe e o vindeiro 27 de maio no I Foro sobre o Itinerario Cultural Europeo Camiños de Arte Rupestre Prehistórica. O encontro pretende definir as actividades para este roteiro, no que están integrados o Parque Arqueolóxico de Campo Lameiro canda aos petróglifos da Caeira, de Tourón e de Mogor. A iniciativa, que supón o maior proxecto arredor da arte rupestre en Europa, debaterá tamén a posible creación dunha marca turística para os destinos que teñen neste patrimonio o seu principal atractivo, así como a compatibilidade entre conservación e turismo.