Os petróglifos de Pontevedra, parte do novo Itinerario Cultural Europeo

O Consello de Europa aprobou onte a catalogación dos Camiños de Arte Rupestre Prehistórica (CARP), unha asociación internacional de carácter transnacional que ten por obxectivo a promoción e divulgación de centros de arte rupestre en Europa, como Itinerario Cultural Europeo. A Asociación CARP inclúe, canda outras cen localizacións, catro sitios galegos con arte rupestre, o Parque Arqueolóxico da Arte rupestre, a Área arqueolóxica de A Caeira, a de Tourón e os Petróglifos de Tourón. Xa que logo, estas catro áreas súmanse ao Camiño de Santiago como ben cultural europeo.