A Deputación de Ourense aproba axudas para diferentes entidades da provincia

A Xunta de Goberno da Deputación de Ourense aprobou as achegas para gastos de funcionamento para diferentes entidades culturais da provincia ou de ámbito autonómico. Deste xeito, a Asociación Musical de Trasmirás recibiu 17.000 euros, a Real Academia Galega 25.000 euros, a Fundación Otero Pedrayo uns 25.000, a Coral de Ruada 26.000 e a Fundación Vicente Risco 14.000 euros. En total, 107.000 euros concedidos nunha xuntanza na que tamén se incluíu o apoio a financiamento doutras festividades singulares ou entidades asistenciais.