O DOG publica hoxe a resolución da Consellería de Cultura pola cal se conceden as axudas para "a descrición de fondos documentais dos arquivos galegos segundo a metodoloxía arquivística". Estas axudas foron concedidas a concellos e a entidades. Boa parte dos concellos recibiron unha axuda máxima de 6.000 euros. No caso das entidades foi similar. No programa de catalogación recibirán axudas a Fundación Exponav, a Fundación isla Couto, a Fundación Vicente Risco ou a Fundación Luís Tilve, entre outras. O investimento autonómico total foi de 145.000 euros.
