Preto de 30 entidades acadan axudas da Xunta para a catalogación arquivística

20 concellos e sete entidades sen ánimo de lucro son as beneficiarias das axudas concedidas pola Xunta para a "descrición de fondos documentais dos arquivos galegos" e que en total achegan uns 145.000 euros. Deles, a gran maioría, 110.000, irán destinados á catalogación dos arquivos e outros fondos municipais, mentres que 35.000 se destinan a outras entidades sen ánimo de lucro. Entre os concellos, son As Pontes de García Rodríguez, Ordes e A Pastoriza os que recibirán unha contía superior (por riba dos 14.000 euros). Nas entidades sen ánimo de lucro a principal beneficiaria é o Arcebispado de Santiago (máis de 19.000), a Fundación Isla Couto (máis de 13.000) e a Fundación Manuel María (máis de 11.000).