A Fundación Curros promove a Asociación de Amigos da RAG

Completar os orzamentos da Real Academia Galega para que cheguen ao millón de euros anual que a entidade precisa para o seu funcionamento. Esta é o obxectivo co que a Fundación Curros quere botar a andar o vindeiro sábado a Asociación Protectora e de Amigos da Real Academia Galega. As contas da Fundación prevén achegas individuais e colectivas de diferentes contías, que van desde os 10 euros por persoa (co que contan reunir 150.000 euros) ata os 1.000 euros que achegarían as sete grandes cidades galegas. A Fundación recolle así a proposta que fixera o presidente da RAG, Xosé Luís Méndez Ferrín, a comezos do pasado mes de xaneiro, logo de que a Xunta anunciase un investimento de 520.000 euros na entidade. Ferrín sinalou daquela que podía ser o momento de crear un colectivo de apoio deste tipo, apuntando que a súa constitución lle correspondía a sociedade civil.