A Deputación da Coruña mantén o seu apoio á Real Academia

Pendentes a vindeira sinatura dun convenio, a Deputación da Coruña destinaralle á Real Academia Galega 37.000 euros do seu orzamento para 2010. O presidente do organismo provincial, Salvador Fernández Moreda, entrevistábase onte con Xosé Luís Méndez Ferrín, e trasladoulle o seu apoio á actividade da RAG. Ferrín salientou que a Deputación é unha das poucas entidades que colabora coa Academia achegando unha cantidade anual á institución. O actual presidente da institución está a reclamar desde a súa toma de posesión a necesidade de que a Academia conte con apoio público e estable para o seu financiamento.