23 millóns para rehabilitar o convento de Santa Clara

A Deputación de Pontevedra e Xunta de Galicia asinaron un acordo para participar no financiamento da rehabilitación do pontevedrés convento de Santa Clara. O importe estimado é de 23 millóns de euros, dos que a Xunta achegará inicialmente 6, aínda que Alfonso Rueda, presidente da Xunta, non descarta que no futuro se poidan incrementar as partidas. Así o explicaron nun acordo asinado o venres pasado nas propias dependencias do convento. O presidente da Deputación de Pontevedra, Luís López, anuncio que o obxectivo do ente provincial é inaugurar Santa Clara a coincidir co centenario da fundación do Museo de Pontevedra, no 2027. Para a rehabilitación, contarán co proxecto arquitectónico que xa gañara o concurso convocado polo executivo provincial anterior, redactado polo estudo de arquitectura Nieto Sobejano. Segundo a Deputación, "iniciáronse negociacións co estudo de arquitectura para modificar o proxecto" e relación a que non se contemplara a "destrución dos xardíns para construír un almacén de restos arqueolóxicos". Segundo a Deputación, "as dúas partes chegaron a un punto de acordo que debe plasmarse agora por escrito no expediente de contratación, que se abrirá a partir do 30 de xaneiro".