Deputación e concello de Pontevedra escenificaron o pasado venres os primeiros pasos para a conversión do convento de Santa Clara, que vai ser adquirido pola entidade municipal, nunha nova dependencia do Museo de Pontevedra. Foi durante a inauguración da exposición "Galicia: de Nós a Nós", que continúa a súa itinerancia tras ser exhibida en Santiago de Compostela e Ourense. O vicepresidente da Deputación, que tamén é concelleiro en Pontevedra, César Mosquera, fixo a petición formal ao concello. Segundo o Diario de Pontevedra, Miguel Anxo Lores, alcalde da cidade, "recolleu o recado para, de xeito indirecto, confirmar a intención do concello de facer posible esta cesión", e solicitar a colaboración da Xunta de Galicia, aproveitando a presenza de Román RodrÃguez, conselleiro de Cultura. O proxecto significará renunciar ao plan de conexión subterránea dos edificios do museo ubicados no casco histórico pontevedrés.
