Pontevedra finaliza a compra de Santa Clara

O 1 de decembro de 2021 será lembrado no futuro coma o día no que o convento de Santa Clara de Pontevedra, fundado extramuros da cidade no século XIII, pasou a formar parte do patrimonio público municipal. O alcalde, Miguel Anxo Fernández Lores, asinou esta mañá coa abadesa da orde das Clarisas, Victoriana Jorde, o contrato da compra do mosteiro. O concello está a traballar nun programa de actuacións e accións para dar a coñecer este espazo e definir os seus usos futuros. Tamén pensan abrir a horta de Santa Clara, incluíndo os xardíns, como un "pulmón verde" no medio da cidade. O convento conserva o patrimonio noble, que foi cedido en depósito ao concello durante catro anos.