O Museo de Pontevedra suma coleccións por valore de case 158 millóns de euros, segundo o valor de tasación establecido para o cálculo do seguro que a Deputación contrata para a protección dos espazos. Destes 158, é a colección de escultura, con case 9 millóns de euros, e a de pintura e debuxo, con case 31 millóns de euros, as máis relevantes. Os obxectos arqueolóxicos acadan un valor superior aos cinco millóns e as pezas de artes decorativas en 713.080 euros. Na colección en reserva do edificio Castelao, o que custodia os obxectos de maior valor, as obras da autoría de Castelao acadan os 25 millóns de euros e as esculturas acadan os 11 millónsd e euros. O edificio con máis obxectos de valor é o que hoxe reúne boa parte das visitas, o edificio Castelao, con 93 millóns, mentres o Fernández López ten obxectos valorados en 44 millóns de euros.
