A colección de arte da Cidade da Cultura ten un valor de 5 millóns de euros

A Fundación Cidade da Cultura abriu convocatoria para a licitación das diversas pólizas de seguros dos equipamentos mobles e inmobles do seu patrimonio por un total de 166.947 euros (ive incluído). Entre os equipamentos e bens valorados, está a valoración que a entidade fai polos "obxectos artísticos" dos que é titular, e que comprenden "coleccións, libros, cadros e obxectos artísticos situados na Biblioteca e Arquivo de Galicia, CEM, CINC, Museo Centro Gaiás ou Bosque de Galicia". A tasación fixada pola entidade deste conxunto de creacións culturais é de 5 millóns de euros.