O Gaiás publicou o seu balance anual, no que contabilizou máis de 700 eventos e actividades culturais que convocaron a máis dun millón de persoas, e no que destaca a "expansión da actividade" derivada dunha "itinerancia dos seus contidos" e unha "maior capacidade para organizar eventos institucionais, empresariais e sociais". Neste sentido, destacou o programa expositivo Cidades no tempo, con exposicións nas cidades galegas, así como a rotación doutros contidos. O Gaiás tamén destcatou que o Museo Gaiás tivo máis de 100.000 visitantes no 2023, con exposicións como Camiños creativos ou Luz na Terra, a exposición do centenario da creación do Seminario de Estudos Galegos. O Gaiás tamén destacou o inicio da construción do Centro galego de artes dixitais. O Gaiás estimou a cifra de participantes nos diferentes programas, actividades e eventos en máis dun millón de persoas, en consonancia coas cifras do ano anterior.
