Co Apalpador como carta de presentación, A Mesa pola Normalización Lingüística acaba de presentar ou seu catálogo de agasallos en galego para o Nadal de 2023. En total son 64 páxinas de presentes das que literatura, banda deseñada e discos ocupan un terzo da publicación. Canda a isto, o catálogo achega unha importante selección de produtos de artesanía, gastronomía, experiencias e todo tipo de servizos na nosa lingua.
A publicación recolle propostas das empresas que participan da campaña Abertos ao galego, que coordina a propia Mesa. Na presentación desta publicación, a entidade lembra a importancia de desenvolvermos un consumo consciente a nivel lingüístico para apoiar proxectos de proximidade e que se desenvolven na nosa lingua.
