A Mesa presenta o seu catálogo de presentes en galego

Está xa dispoñible na rede o Catálogo de Nadal 2022 co que a Mesa Pola Normalización Lingüística anima a facer agasallos en galego durante estas festas. A publicación recolle nas súas 64 páxinas centos de referencias, cunha ampla de presenza de libros pero tamén con produtos gastronómicos e de artesanía, servizos de diferentes tipos ou propostas de aloxamentos que empregan habitualmente a nosa lingua.

A publicación, que foi lanzada tamén en formato físico durante a última Culturgal, fai parte do proxecto Abertos ao Galego, co que A Mesa apoia o compromiso coa lingua de empresas, comercios, asociacións e entidades de toda índole.