As librarías remudan a directiva da súa federación

A remuda na dirección da Federación de Librarías de Galicia levouse a cabo hoce cunha asemblea realizada en Santiago de Compostela tras da petición de eleccións anticipadas da directiva saínte. Dende hoxe un novo equipo directivo asume dende hoxe os retos e necesidades do sector, representado por esta entidade. Os socios outorgaron á proposta presidida por Cielo Fernández a súa confianza. A candidatura, que foi a única proposta presentada, conta con cinco membros: a propia Cielo Fernández (Libraría Bahía de Foz) como Presidente, Óscar Porral (da Librería Lenda, en Bertamiráns) como Vicepresidente, Celia Fernández (do Espazo Lector Nobel de Ourense) como Secretaria, Jacobo Antonio Rodrífuez (Libraría Agasar, en Monforte de Lemos) como Tesoureiro e Patricia Porto (Libraría Lila de Lilith, en Compostela) como Contadora.

O equipo presentou aos socios o seu programa, que centra os seus esforzos en dúas liñas maestras, unha interna, que abordará a reforma da propia Federación e dos seus estatutos, así como ampliar as acción destinadas aos asociados, para mellorar a formación e o coñecemento interno da entidade, e outra externa, que buscará afondar nas relación institucionais co resto dos representantes do sector e coas administración públicas, e ampliar a difusión das actividades organizadas e coordinadas pola Federación, entre as que destacan especialmente as Feiras do Libro ou a Axenda Cultural, nas que se fará, segundo explica a propia directiva, un esforzó especial, para apoiar o seu crecemento.