Obra de Correa Corredoira para 'Lugar sen media'
O Centro Cultural Marcos Valcárcel acolle a exposición "Lugar sen medida" do artista Xabier Correa Corredoira (A Coruña, 1952), que presenta con esta mostra a produción dunha serie de obras durante a súa estadía de catro meses en Namibia. O artista, que formou parte do histórico movemento renovador Atlántica, presenta aquí máis de cen pezas producidas sobre papel, teas, madeiras e incluso sobre lamas de tabaco que transportan ao visitante a un lugar diferente coa presenza dos animais típicos da rexión, con homes e mulleres marcados por un entorno desértico hostil e tamén coas súas paisaxes de costa e o seu mar. A exposición poderá visitarse ate o día 21 de xaneiro de 2024. Francisco González, director do Marcos Valcárcel, expresou a súa satisfacción por abrir esta mostra na cidade, "xa que a pesares do seu prestixio e da súa dilatada traxectoria esta é a primeira exposición individual de Correa Corredoira en Ourense", sinalou.
