A fotógrafa Mary Quintero
A fotógrafa viguesa Mary Quintero foi unha das profesionais de referencia para a fotografía familiar e mesmo publicitaria en Vigo durante a segunda metade do século XX. A mostra "A imaxinación no interior dun estudo", localizada no Museo do Mar de Vigo, recolle 50 fotografías que amosan a evolución artística e técnica de Mary Quintero, pero tamén dos propios cambios, gustos e estéticas preferidas pola sociedade viguesa e a nivel global durante estas décadas. A colección é parte do fondo Mary Quintero do Arquivo Histórico Provincial de Pontevedra e pódese visitar ata o 19 de xaneiro de 2024.
