Unha mostra recupera o traballo dos fotógrafos Pepe Esteirán e Rizo

Dúascentas fotografías de Xosé Piñeiro Priegue, Pepe Esteirán e José Vázquez Arias, Rizo compoñen a mostra Un estudo chamado Galiza: a modernidade a través das imaxe que se pode ver desde hoxe no Centro Social da Fundación Novacaixagalicia en Vigo. A exposición, que fai parte do Outono Fotográfico, amosa o traballo destes dous profesionais autodidactas ao longo da costa e do interior do país en retratos de exterior e de estudio, fotografía de vodas e eventos e a actividade nos portos, e reflexiona sobre o xeito no que retrataron a sociedade da súa época. O centro amosa estas obras ata o vindeiro 25 de xaneiro.