En liña o catálogo do Museo da conserva

O Museo da Conserva da Fundación Punpromar, localizado en Vigo e promovido pola patronal dos fabricantes de conservas (ANFACO) acaba de publicar en liña o catálogo da súa colección. O web recolle 1782 rexistros que inclúen materiais moi diversos, desde maquinaria de produción industrial, produtos empacados, ata diferentes formatos publicitarios, de marketing ou mesmo a dixitalización de espazos industriais en ruínas. Algúns dos obxectos ou espazos foron dixitalizados a través de fotogrametría, que pode ser consultada nas fichas, e moitas das pezas dispoñen de detalladas descricións de uso e orixe dos obxectos.