A publicación anual da SAGA (Sociedade Galega de Antropoloxía) chega á súa undécima entrega. Fol de Veleno. Anuario de Antropoloxía e Historia de Galiza está xa nas librarías a abordar "o mundo das deidades e da mitoloxía, as linguaxes simbólicas da arte e da danza, o papel da muller na prehistoria e na sociedade tradicional galega, os ritos de peregrinación ou temas sociais de actualidade como poden ser o problema da prostitución ou o papel das ONGs".
No índice da publicación atopamos artigos que tratan as figuras da muller e o unicornio, as danzas de espadas de Marín, a prostitución en España e en Arxentina ou o papel da muller na sociedade tradicional galega. Tamén se trata a procura de tesouros nos petróglifos que se deu no noso país a comezos do século XX.
