A Sociedade Antropolóxica Galega (SAGA) ven de sacar á rúa o número 9 da súa publicación anual "Fol de Veleno. Anuario de Antropoloxía e Historia de Galiza". SAGA acude á súa cita anual coa divulgación antropolóxica recuperando o deseño orixinal das súas portadas, con dez artigos e un editorial de Rafael Quintía. Neste número preséntase a contribución da antropoloxía á interpretación dos petróglifos, a mitoloxía galaica primordial, dous artigos afondan en costumes da parroquia de Samede e outro entra no patrimonio obreiro e a memoria colectiva a través do estudo do mausoleo ás vítimas da represión da folga de consumeiros na Coruña en 1901. Na publicación recóllense artigos asinados por José Luís Cardero López, Buenaventura Aparicio Casado, Xaverio Ballester, Ana Durán Penabad, Lidia Mariño Ventoso, José Antonio Gavilanes, Emilia Cagiao, Uxío Leira, daniel palleiro e Miguel Losada. SAGA ven de sacar tamén recentemente a revista dixital CANXAR, de fotografía etnográfica.
