A Sociedade Antropolóxica Galega publicou na rede un novo número da súa revista dixital de investigación, Saga. No novo número, segundo o presidente da SAGA Rafael Quintía, "danse cita a antropoloxía, a lingüística, a historia e a arqueoloxía da man de case unha ducia de artigos que nos achegan, dun xeito holístico, a estes diferentes campos do coñecemento e das ciencias sociais". Entre os artigos, Carme Toba fai memoria dos velorios e da cultura da morte na Costa da Morte. A filóloga Dolores González achégase ás relacións entre a orixe dos topónimos e a mitoloxía da paisaxe e o propio Rafael Quintía estuda o santuario de Santo Estevo do Ermo (Barreiros, Lugo).
