A Fundación Marta Ortega amosará a ollada provocadora do fotógrafo Helmut Newton

A exposición inaugurarase o 18 de novembro

7/9/2023 | Santiago. Redacción | Seccións: arte

20 lecturas | Compartido 0 veces

Traballaba coas principais cabeceiras editoriais da moda internacional, pero iso non lle impediu desenvolver un estilo perturbador e provocador ás súas fotografías. A Fundación Marta Ortega anunciou a que será a terceira exposición do seu proxecto no Porto da Coruña. "Helmut Newton - Fact & Fiction" abrirá as súas portas o 18 de novembro ata o 1 de maio de 2024. Previamente, o porto coruñés acollera retrospectivas dedicadas a Peter Lindbergh e Steven Meisel.