© Profirst, Justin Paquay
O Peirao da Batería no porto da Coruña xa acolle unha nova exposición promovida desde a Fundación de Marta Ortega (MOP). Desde hoxe e ata o 1 de maio de 2023 está aberta ao público a mostra fotográfica "Steven Meisel 1993 A Year in Photographs". A exposición recolle o traballo de este mestre da fotografía de moda durante 1993, un ano ao parecer decisivo na súa carreira pola colaboración coa revista Vogue. Máis de cen retratos de homes e mulleres do mundo da moda e do cine como Linda Evangelista, Carla Bruni, Naomi Campbell, Hamish Bowles, Kyle MacLachlan, Claudia Schiffer, Jaye Davidson, Barbra Streisand, Marlon Richards, Isabella Blow, Amanda Harlech ou Twiggy conforman esta mostra. A Fundación MOP volve usar o espazo expositivo na zona portuaria da Coruña deseñado pola arquitecta coruñesa Elsa Urquijo e ao que o pasado ano achegáronse máis de 110.000 visitantes á exposición " Peter Lindbergh: Untold Stories".
