O Museo Provincial de Lugo recibe dous novos cadros de Julia Minguillón

O Museo Provincial de Lugo recibiu a doazón de dous retratos da artista luguesa Julia Minguillón (1906-1965). Trátanse de dous cadros de gran formato de Rosa Piño Pérez e Modesto Pérez Prieto, que foron doados polos fillos deste matrimonio. Os cadros na actualidade atópanse en Madrid e serán incorporados á colección de Julia Minguillón que xa atesoura o Museo Provincial. O cadro de Rosa Piño xa fora presentado en Lugo en 1951 e estaba documentado por María Victoria Carballo Calero, principal estudosa da figura desta pintora luguesa que nos últimos anos está a cobrar un especial valor.