A muralla (1932). Manuel Colmeiro.
Elena Colmeiro, filla do pintor Manuel Colmeiro, e Alba, a súa neta, doaron o óleo A Muralla ao Museo de Lugo nun acto celebrado en Lugo o pasado venres. "Os cadros lucenses de Colmeiro", aseguraron, "están agora onde deberan estar e onde el o desexaría". O cadro representa un lenzo da muralla e ao fondo un carro e as antigas casas de comidas da cidade. O cadro está exposto na actualidade no Círculo das Artes de Lugo nunha mostra que comezou o xoves pasado e durará até o 24 de marzo.
