O concelleiro de Medio Ambiente de Lugo, Lino González, culpaba hai uns días á Consellaría de Cultura do estado de abandono da muralla. A resposta non se fixo agardar, xa que o voceiro do Bloque Nacionalista Galego de Lugo, Xosé Anxo Lage, asegurou que desde o mes de abril o concello ten unha proposta de convenio realizada pola Consellaría de Cultura para conservar o monumento á que aínda non respostou. En todo caso, a muralla de Lugo, declarada Patrimonio da Humanidade desde 2000 aínda non conta cunha figura que se encargue da súa xestión.
Máis información sobre a Muralla de Lugo na nosa hemeroteca e sobre a desputa en El Progreso