Unha actuación de Vella Escola en Vilagarcía e outra de Silvia Penide en Culleredo abren este 15 de xuño a edición 2023 do programa Cultura no Camiño. A Axencia Galega das Industrias Culturais presentou o día 14 este programa, que se desenvolverá finalmente en 88 concellos do país polos que transcorren rutas xacobeas ata o vindeiro 31 de agosto.
A proposta, que este ano incrementou a achega da xunta en 20.000 euros ata os 250.000, sumará co cofinanciamento municipal medio millón de euros en contratacións artísticas. Un total de 150 artistas e grupos do país desenvolverán ao seu abeiro 302 actuacións de circo, danza, música e teatro en municipios vencellados aos camiños de Santiago.
As artes escénicas supoñen as propostas con maior presenza nesta undécima edición do ciclo, cun total de 93 funcións a cargo de compañías como Tanxarina, Ibuprofeno Teatro, Teatro Ghazafelhos ou a narradora oral Vero Rinlo. Seguen as propostas musicais, con 90 recitais a cargo de A Banda da Loba, Paco Nogueiras, Odaiko, Habelas Hainas, Festicultores ou Leilía. O novo circo, con 66 citas da man de Pistacatro, Isla Letriska, Circo Chosco ou Peter Punk Pallaso, e a maxia, que conta con 46 actuacións do Mago Teto ou o Mago Antón, fan tamén parte da iniciativa.
Pontevedra é a provincia que acumula a maior cantidade de actuacións, con 99 en 26 concellos. Séguea A Coruña, con 89 en 30 concellos, Lugo, con 72 funcións en 26 municipios e Ourense, onde se desenvolverán 42 funcións en 12 localidades. O groso das citas celebraranse en agosto, mes no que están previstas máis de 150 funcións.
As artes escénicas supoñen as propostas con maior presenza nesta undécima edición do ciclo, cun total de 93 funcións a cargo de compañías como Tanxarina, Ibuprofeno Teatro, Teatro Ghazafelhos ou a narradora oral Vero Rinlo. Seguen as propostas musicais, con 90 recitais a cargo de A Banda da Loba, Paco Nogueiras, Odaiko, Habelas Hainas, Festicultores ou Leilía. O novo circo, con 66 citas da man de Pistacatro, Isla Letriska, Circo Chosco ou Peter Punk Pallaso, e a maxia, que conta con 46 actuacións do Mago Teto ou o Mago Antón, fan tamén parte da iniciativa.
Pontevedra é a provincia que acumula a maior cantidade de actuacións, con 99 en 26 concellos. Séguea A Coruña, con 89 en 30 concellos, Lugo, con 72 funcións en 26 municipios e Ourense, onde se desenvolverán 42 funcións en 12 localidades. O groso das citas celebraranse en agosto, mes no que están previstas máis de 150 funcións.
