A nova edición de Cultura no Camiño achegará 323 actuacións

Finalmente son 74 espectáculos de maxia, 60 actuacións musicais, 29 propostas escénicas de novo circo e 160 representacións teatrais, un total de 323 actuacións, as propostas que conforman o programa da edición deste ano de Cultura no Camiño. A Consellaría de Cultura presentaba esta mañá a iniciativa que se enmarca no VIII Centenario da Peregrinación de San Francisco de Asís e que pretende, segundo Xesús Vázquez, titular do departamento, descentralizar a oferta cultural do país a achegala a vilas polos que pasan as rutas xacobeas.

En total son 81 os concellos que acollerán este programa. Así, na provincia da Coruña 31 concellos acollerán 116 representacións; en Lugo, 18 concellos ofrecerán 80 espectáculos; 10 concellos de Ourense porán ao dispor do público 39 funcións; e na provincia de Pontevedra 22 concellos levarán aos escenarios un total de 88 representacións.