O vindeiro martes 13 de xuño o Consello da Cultura Galega acollerá a xornada "Encoros, arquitectura, enxeñaría e patrimonio. Novas paisaxes da auga", organizados dentro da serie "Encontros monográficos co Patrimonio Cultural", da que fará a entrega 41. A xornadas persegue "analizar o impacto dos encoros e as súas consecuencias no campo da restauración e conservación dos monumentos e na creación de novas paisaxes culturais". Coordinado polo profesor Juan M. Monterroso, a xornada reflexiona sobre como a construción destas grandes infraestruturas hidraulicas durante o franquismo tivo un gran impacto sobre o territorio e supuxo unha selección, por parte do goberno, dos bens culturais que debían ser rescatados e os que non o foron, ao non seren "tan acordes cos ideais propagandísticos do Estado". No encontro participarán Begoña Fernández, Carlos Tejeda e Carlos Nárdiz. A inscrición no encontro é gratuíta e tamén poderá seguirse en directo por Internet.
