O Liceo de Ourense outórgalle a súa Medalla de Ouro a Xesús Alonso Montero

Este seis de xuño ás 20 horas a sede do Liceo de Ourense acolle a entrega da Medalla de Ouro desta sociedade ao catedrático en filoloxía e académico Xesús Alonso Montero. A directiva esta entidade quixo recoñecer o traballo deste investigador que "dende hai moitos anos mantén unha estreita relación" co colectivo.

Segundo destaca o comunicado deste colectivo "son innumerables as conferencias ditadas na nosa sede, presentación de libros, tertulias. Sempre está disposto a colaborar coa nosa sociedade en calquera evento cultural que se lle propoña. Así mesmo, aproveita calquera oportunidade, para reivindicarse como liceísta". Nado en Vigo en 1928, Alonso Montero mantivo sempre unha grande vinculación con Ourense a través de Ventosela, aldea natal dos seus país.