Este 5 de febreiro a Fundación Penzol e Xesús Alonso Montero asinan o convenio polo que a entidade recibirá a cesión de dous fondos do catedrático de Literatura Galega e membro da Real Academia Galega. Os documentos recollen os textos e notas de diferentes intervencións públicas realizadas por Alonso Montero entre 2004 e 2024.
De xeito mais concreto, o primeiro destes legados é a colección Sesenta e sete alocucións: discursos, conferencias, charlas, improvisacións... (2014-2018). Esta doazón, que se realiza en conxunto entre o profesor e Carmen Blanco Ramos, que realizou a transcrición destas pezas, consta dun total de 1.052 folios, organizados en catro tomos. Catorce destas intervencións foron recollidas no libro Palabras para o noso tempo, que publicou Alvarellos en 2024.
A segunda parte da doazón é o fondo Trinta e unha conferencias (2004-2024), no que Xesús Alonso Montero achega os programas das palestras e guións detallados, en moitos casos complementados con notas e textos breves para o seu desenvolvemento.
A Fundación Penzol custodiará este material na Casa Galega da Cultura, en Vigo. No acto de cesión participarán Carmen Blanco Ramos e Xesús Alonso Montero canda a Manuel Puga Pereira, presidente, e Malores Villanueva, secretaria da Fundación Penzol.
De xeito mais concreto, o primeiro destes legados é a colección Sesenta e sete alocucións: discursos, conferencias, charlas, improvisacións... (2014-2018). Esta doazón, que se realiza en conxunto entre o profesor e Carmen Blanco Ramos, que realizou a transcrición destas pezas, consta dun total de 1.052 folios, organizados en catro tomos. Catorce destas intervencións foron recollidas no libro Palabras para o noso tempo, que publicou Alvarellos en 2024.
A segunda parte da doazón é o fondo Trinta e unha conferencias (2004-2024), no que Xesús Alonso Montero achega os programas das palestras e guións detallados, en moitos casos complementados con notas e textos breves para o seu desenvolvemento.
A Fundación Penzol custodiará este material na Casa Galega da Cultura, en Vigo. No acto de cesión participarán Carmen Blanco Ramos e Xesús Alonso Montero canda a Manuel Puga Pereira, presidente, e Malores Villanueva, secretaria da Fundación Penzol.