A editorial Galaxia acaba de presentar a entrega 197 de Grial. Centrado nos 50 anos da Fundación Penzol, o volume achega textos de María Dolores Cabrera e Xesús Alonso Montero sobre os fondos e a importancia desta entidade, un repaso dos seus retos de futuro a cargo Francisco Domínguez Martínez, director da Fundación, así como a conversa que Henrique Monteagudo e Ramón Villares mantiveron con Fernando Bouza, catedrático de Historia Moderna da Universidade Complutense e recoñecido especialista en patrimonio bibliográfico. Ademais, a publicación aborda outras cuestións de actualidade e mantén as súas habituais seccións de crítica e creación, entre outras. A revista presentarase este venres a coincidir coa inauguración da mostra 50 aniversario da Fundación Penzol na Casa Galega da Cultura de Vigo ás 12:30.
