O Museo Provincial de Lugo exhibe a cabeza de Narla

Foi recibida grazas a unha doazón particular

Foto: Museo Provincial de Lugo
Foto: Museo Provincial de Lugo
O Museo Provincial de Lugo xa exhibe na súa sección de Arqueoloxía a cabeza de Narla, unha singular peza de vinte centímetros de altura, froito dunha doazón dun particular. Como moitos destes elementos da plástica castrexa, as súas orixes non están de todo claras. Foi publicada por primeira vez en 1956 por Blanco Freijeiro nos Cuadernos de Estudios Gallegos, facendo referencia a que fora a dada a coñecer por un alumno seu, Amable Veiga, como atopada nun castro de Narla (Friol). Segundo o museo, a cabeza permite abrir "unha nova etapa no estudo e na investigación da peza e da plástica castrexa, a fin de determinar máis polo miúdo as características, paralelismos, cronoloxía ou historia deste ben cultural".