As tres primeiras aplicacións do Proxecto Nós, que a Xunta promove canda o Instituto da Lingua Galega, serán un tradutor de galego con tecnoloxía neuronal que "supera a calquera outro que existira ata agora", unha tecnoloxía de comprensión do galego oral e tradución a texto e outro que le textos en lingua galega. Román Rodríguez fixo este anuncio onte no Parlamento de Galicia, e salientou que "calquera persoa, empresa ou proxecto" poderá usar as ferramentas de xeito gratuíto. O uso do software de locución creada con redes neuronais xa foi aplicado no spot audiovisual do Día das Letras Galegas deste ano da Xunta.
