A Xunta admite que se retirou do padroado de Sargadelos para evitar "malas interpretacións" trala contratación de Eva Cárdenas

Román Rodríguez explicou no Parlamento a decisión

O conselleiro de Cultura, Román Rodríguez, admitiu onte no Parlamento que a Xunta saiu do patronato da Fundación Sargadelos "de mutuo acordo" trala contratación por parte da empresa de Eva Cárdenas, parella do Presidente da Xunta, como asesora externa. Rodríguez sinalou que a Xunta quería evitar "malas interpretacións. Non queremos que se ataque a Sargadelos pola nosa presenza no padroado". O conselleiro contestou deste xeito á voceira de cultura do PsdG, Noa Díaz, quen lle preguntou ao respecto.