O proxecto Trasno convida a colaborar para que a intelixencia artificial fale galego

O Proxecto Trasno anunciou estes días unha campaña para involucrar os galegofalantes nun proxecto de código aberto para axudar a que futuros sistemas de intelixencia artificial poidan comprender o galego. A día de hoxe, esta é unha das grandes eivas das novas xeracións de tecnoloxía: asistentes de voz como Siri ou Cortana non comprenden a nosa lingua. Trasno solicita dos usuarios cando menos "5000 frases orixinais de vós, os e as falantes ou tomadas de fontes diversas". Estas frases, enviadas como texto, serán logo gravadas por voluntarios para seren procesadas co software DeepSpeech, da fundación Mozilla, poida xenerar o modelo da lingua galega que despois as diferentes máquinas poderán usar. No seu web convidan a participar de diferentes xeitos.