O proxecto Nós inicia unha campaña para captar voces en galego

O proxecto Nós, a iniciativa de produción de tecnoloxías lingüísticas para o seu emprego en dispositivos intelixentes, presentou a campaña AgasallaNós, solicitando a doazón altruísta de voces para recoller a variedade fonética e dialectal da lingua galega de cara a creación de corpus lingüísticos que poidan ser empregados por sintetizadores e plataformas de intelixencia artificial. No acto de presentación da campaña, os responsables indicaron o obxectivo de acadar 1000 horas de gravación. Para iso, emrpegan a iniciativa Common Voice de Mozilla, que permite a construción un corpus aberto e público de voz.