Unha colección de vinte e tres pezas nas que o escultor Sergio Portela explora "a súa perspectiva persoal e íntima da sexualidade e a sensualidade". Esta é a proposta de O Impulso de Eros, exposición que Sergio Portela inaugurou o pasado 3 de maio no Auditorio Mar de Vigo.
Ata o vindeiro 27 de xullo poden verse uns traballos que combinan bronce, gesso, madera e mármore cun estilo realista que se recrea no corpo humano e entre os que destaca a representación dunha muller embarazada.
As pezas da mostra súmanse ás dúas tallas en bronze do autor que xa estaban presentes na entrada do auditorio e que representaban dous modelos vigueses que posaron para o artista durante máis dun ano. A proposta inaugura a faceta expositiva deste espazo cultural da cidade de Vigo.
Canda a estas esculturas, enfocadas no espido e nas figuras mitolóxicas, a exposición amosa a maqueta dun proxecto para a Praza de España da Cidade Olívica elaborada polo propio Portela.
