A arte de Huete, Lledós e Saco dialoga na exposición Tempos dun encontro

A Casa das Artes de Vigo acolle ata o 23 de xullo a exposición Ánxel Huete, Manel Lledós, Miguel Saco, Tempos dun encontro, que explora a relación mantida por estes tres artistas cando coincidiron, compartindo apartamento e obradoiro, no Manhattan dos anos 80. A exposición, comisariada por Chus Martínez, fai dialogar as súas obras, amosa as influencias e dá conta da evolución persoal dos tres artistas.