Ángel Cerviño e Alberto Gonzalez-Alegre comisarian, logo do éxito do pasado ano, a segunda edición da exposición En plenas facultades. O sexto edificio do Museo de Pontevedra acolle ata o vindeiro 22 de xuño os traballos de 13 creadores que son tamén docentes da Facultade de Belas Artes da Cidade do Lérez. Nono Bandera, Berta Cáccamo, Fernando Casás, Ángel Huete ou Miguel Moldes son algúns dos nomes que fan parte do proxecto.
