<i>En plenas facultades</i> amosa a creación dos docentes da facultade de Belas Artes

Fragmento do cartel de <i>En plenas facultades</i> — Fragmento do cartel de *En plenas facultades*

Profesores que, ademais son artistas. A exposición En plenas facultades recupera o traballo creativo dos docentes de Belas Artes, en Pontevedra. Ángel Cerviño e Alberto González-Allegue son os comisarios que reivindican uns traballos realizados maiormente na propia cidade e que en ocasións resultan menos coñecidos do que creacións dos propios alumnos desta carreira. Xoán Anleo, María Luísa Fernández, Jesús Hernández, Yolanda Herranz ou Ana Soler son algúns dos quince creadores que se poden ver na mostra, aberta no sexto edificio do Museo de Pontevedra ata o vindeiro 28 de abril.