Galaxia abre unha colección dedicada á cultura deportiva

Adrián Estévez é o escritor encargado de inaugurar a coleccción O noso deporte, coa que a Editorial Galaxia abre unha liña dedicada á divulgación do pasado deportivo de Galicia. Faino con Manuel de Castro. Handicap. Crónica dunha paixón, un ensaio sobre un dos artífices do nacemento en 1923 do Club Celta de Vigo e xornalista, árbitro de fútbol, directivo deportivo e seleccionador, finado en 1944. Os vindeiros títulos da colección irán dedicados á historia do fútbol feminino e á orixe do balompé en Galicia.