Entre os méritos que A Sega destaca da homenaxeada está a súa carreira docente, con máis de 20 anos de traballo na Universidade de Santiago de Compostela, o seu labor pioneiro á hora de publicar obras completas "sobre temas tratados tanxencialmente con anterioridade" ou o seu traballo de investigación e recuperación da memoria histórica das mulleres na guerrilla antifranquista.
Nos seus traballos pioneiros destacan tÃtulos como As precursoras. Achegas para o estudo da escrita feminina (Galiza 1800-1936), o Dicionario de mulleres galegas. Das orixes a 1975, o volume Mulleres na guerrilla antifranquista galega, o documental As silenciadas, polo que recibiu un premio Mestre Mateo ou a investigación Irmandiñas, sobre o labor feminino nas Irmandades da Fala, co que obtivo un premio Follas Novas.
